టీఆర్ఎస్‌తో దోస్తీ, బాబు కీల‌క వ్యాఖ్య‌లు
విభాగం: రాజకీయ వార్తలు
chanrababu-sensational-comments-on-alliance-with-trs_kuwait

తెలుగు రాష్ట్రాల్లో రాజ‌కీయాలు మారుతున్నాయా?  కొత్త స‌మీక‌ర‌ణాలు తెర‌మీద‌కు రానున్నాయా? అంటే అవున‌నే స‌మాధానం వ‌స్తోంది. ఎన్నిక‌ల ఫ‌లితాల‌కు మ‌రో ఐదు రోజులు కూడా స‌మ‌యం మాత్ర‌మే ఉన్న త‌రుణంలో...ప్రాంతీయ పార్టీలు దోస్తీ విష‌యంలో ఊహించ‌ని ప‌రిణామాలు తెర‌మీద‌కు వ‌స్తున్నాయి. ఏపీ ముఖ్య‌మంత్రి, తెలుగుదేశం పార్టీ అధ్య‌క్షుడు నారా చంద్ర‌బాబు నాయుడు చేసిన వ్యాఖ్య‌ల‌ను ఇందుకు ఉదాహ‌ర‌ణ‌గా ప‌లువురు పేర్కొంటున్నారు. టీఆర్ఎస్‌తో దోస్తీ విషయంలో అవ‌కాశాన్ని చంద్ర‌బాబు తోసిపుచ్చ‌క‌పోవ‌డం...తాజా ఎపిసోడ్‌లో హాట్ టాపిక్‌.

ఢిల్లీలో కేంద్ర ఎన్నికల ప్రధాన కమిషనర్‌ సునీల్ ఆరోరాతో ఏపీ ముఖ్యమంత్రి చంద్రబాబు సమావేశం అయ్యారు. అనంత‌రం చంద్ర‌బాబు మీడియాతో మాట్లాడుతూ, ఆంధ్రప్రదేశ్‌లోనే కాదు...విపక్షపార్టీలు బలంగా ఉన్న అన్ని రాష్ట్రాల్లో కేంద్రం ఆదేశాలతో ఈసీ పక్షపాతంగా వ్యవహరిస్తోందని చంద్రబాబు ఆరోపించారు. ప్ర‌తిప‌క్ష ఐక్య‌త కొన‌సాగుతోంద‌ని చంద్ర‌బాబు తెలిపారు. ప్ర‌ధాన‌మంత్రి న‌రేంద్ర‌ మోదీకి, బీజేపీకి వ్య‌తిరేకంగా ముందుకు సాగుతామ‌న్నారు. బీజేపీ, ఎన్డీయే కూటమికి వ్యతిరేకంగా ఎవరు వచ్చినా కలిసి పనిచేస్తామని చంద్రబాబునాయుడు స్పష్టం చేశారు.

ఈనెల 23 ప్ర‌తిప‌క్షాలు, యూపీఏ ప‌క్షాల స‌మావేశం గురించి తెలుగుదేశం పార్టీ అధినేత, ఏపీ సీఎం చంద్ర‌బాబు వివ‌రిస్తూ యూపీఏ సమావేశానికి కాంగ్రెస్‌ పార్టీ నుంచి టీఆర్ఎస్‌కు ఆహ్వానం అందినట్టు వార్తలొచ్చాయని.. ఒకవేళ కాంగ్రెస్‌తో టీఆర్ఎస్ కలిసి వచ్చినా పనిచేస్తారా అని విలేక‌రులు ప్ర‌శ్నించ‌గా చంద్రబాబు ఆస‌క్తిక‌రంగా స్పందించారు.  'ఎవరు కలిసి వచ్చినా పని చేస్తాం. మరీ హైపోథిటికల్‌ ప్రశ్నలు వద్దు. బీజేపీకి వ్యతిరేకంగా ఎవరొచ్చినా కలుస్తాం. ఏ పార్టీపైనా వివక్ష అక్కర్లేదు' అని సమాధానమిచ్చారు. త‌ద్వారా తెలుగు రాష్ర్టాల నేత‌లుగా త‌మ మ‌ధ్య రాజ‌కీయ సిద్ధాంత వైరుధ్యాలే త‌ప్ప శ‌త్రుత్వం లేద‌ని ప‌రోక్షంగా తెలిపారు

 

SOURCE : GULTE

18 May, 2019 0 42
పోస్ట్ చేసిన వ్యాఖ్యలు
రాజకీయ వార్తలు సినిమా వార్తలు క్రీడ వార్తలు వ్యాసాలు